2026-cı ilin 30 aprel - 2 may tarixlərində Ümummilli Lider Heydər Əliyevin anadan olmasının 103 illiyinə həsr olunmuş “Masallı Kitab Festivalı -2026" adlı möhtəşəm tədbir keçirilib.
Masallı Rayon İcra Hakimiyyətinin qarşısında keçirilən, rayonunun tarixində ilk olan bu tədbir Masallı Rayon İcra Hakimiyyəti, Masallı Dövlət Regional Kolleci, MÜTDA Masallı rayonnu üzrə təhsil sektoru və “Regional hüquqi və iqtisadi maarifləndirmə” İctimai Birliyinin birgə təşkilatçılığı ilə baş tutub.
Festivalada Milli Məclisin Deputatları: Məşhur Məmmədov, Elçin Mirzəbəyli, Ceyhun Məmmədov, Cavanşir Paşazadə də iştirak ediblər.
Bu tədbirə regionumuzda yerləşən ali və orta təhsil müəssisələri, təhsil peşə mərkəzləri özlərinin təbliğat-təşviqat işini aparması üçün dəvət olunublar.
Festivalda 20 dən çox nəşriyyat 10 dan çox tanınmış şair və yazıçı iştirak edib. Festival iştirakçıları təqdim olunan kitablarla yaxından tanış olaraq müəlliflər və nəşriyyat nümayəndələri ilə ünsiyyət qurmaq imkanı əldə ediblər. Bu cür tədbirlər bölgədə oxu mədəniyyətinin inkişafına və bədii ədəbiyyata marağın artırılmasına mühüm töhfə verir.
Festivalda Masallı Dövlət Regional Kollecinin təcrübəçi tələbələrindən təşkil olunmuş könüllülər yüksək təşkilatçılıq və aktiv iştirak nümayiş etdirərək festivalın daha rəngarəng və yaddaqalan keçməsinə öz töhfələrini vermişlər. Bu cür tədbirlər tələbələrin yaradıcılıq potensialının üzə çıxarılması və kollektiv ruhun gücləndirilməsi baxımından xüsusi əhəmiyyət daşıyır.
Tədbir müasir Azərbaycanın memarı Heydər Əliyevin kitaba, təhsilə və elmə verdiyi yüksək dəyərin rəmzi olaraq 3 gün müddətində keçirilən festival 2 may taixində yekunlaşmışdır.
Mdrk.Az