Ağayeva Xanım Yusif qızı

Qeydiyyat, qiymətləndirmə və monitorinq şöbəsinin müdiri

Ağayeva Xanım Yusif qızı 1964-cü ildə Masallı rayonunda anadan olmuşdur.

1971-ci ildə S. M. Kirov adına Masallı şəhər 1 nömrəli orta məktəbin birinci sinfinə daxil olmuşdur.

Əmək fəaliyyətinə 01 aprel 1982-ci il tarixindən etibarən həmin məktəbdə kitabxana müdiri vəzifəsində başlamışdır.

1986-cı ildə V. İ. Lenin adına Pedaqoji İnstitutun Coğrafiya fakültəsinə daxil olmuş, 1990-cı ildə ali təhsilini uğurla başa vurmuşdur.

01 sentyabr 1988-ci il tarixindən S. M. Kirov adına Masallı şəhər 1 nömrəli orta məktəbində coğrafiya müəllimi kimi fəaliyyət göstərmişdir.

2016-cı ildən etibarən ikinci iş yeri olaraq Masallı Dövlət Regional Kollecində coğrafiya müəllimi vəzifəsində çalışmışdır.

02 aprel 2018-ci il tarixindən 01 may 2019-cu il tarixinədək Masallı Dövlət Regional Kollecində Tədris işləri üzrə direktor müavini vəzifəsini icra etmişdir.

18 iyun 2019-cu il tarixinədək Tərbiyə işləri üzrə direktor müavini vəzifəsində çalışmışdır.

21 oktyabr 2019-cu il tarixindən etibarən hal-hazıradək Qeydiyyat, qiymətləndirmə və monitorinq şöbəsinin müdiri vəzifəsində fəaliyyətini davam etdirir.