Masallı Dövlət Regional Kolleci və Masallı rayon Heydər Əliyev Mərkəzinin birgə təşkilatçılığı ilə Sağlam ailə möhkəm cəmiyyətin təməlidir: “Vətənpərvərlik və milli mənəvi dəyərlər ruhunda tərbiyə” adlı tədbir keçirilmişdir.

Əvvəlcə Ulu Öndər Heydər Əliyevin və Şəhidlərin əziz xatirələri 1 dəqiqəlik sükutla yad edildi. 

Video çarx təqdim olunduqdan sonra Masallı Dövlət Regional Kollecin tərbiyə işləri üzrə direktor müavini Dilarə Hüseynova bildirmişdir ki, bu gün milli-mənəvi dəyərlərimizə qarşı çıxmaq təşəbbüsləri olduğu üçün, belə bir vacib məsələnin daim diqqətdə saxlanılması zərurəti yaranıb. Bu dəyərləri qoruyub saxlamaq hər birimizin müqəddəs borcudur.

Masallı rayon Heydər Əliyev Mərkəzinin direktoru Dilbər İbayeva çıxış edərək bildirmişdir ki, dəyərlərimizi qoruyub saxlamaq hər birimizin müqəddəs borcudur. Xalqın mövcudluğunun əsas göstəricisi olan milli-mənəvi dəyərlər - vətən, doğma ocaq sevgisi, namus-qeyrət təəssübkeşliyi, vətənpərvərlik, böyük-kiçik, ədəb-ərkan, bizim tariximiz, dilimiz, dinimiz, adət-ənənələrimiz, mədəniyyətimizdir. Öz qədim tarixi irsinə, milli-mənəvi, maddi-mədəni dəyərlərinə sadiq qalan hər bir gənc vətənə məhəbbət, torpağa sədaqət ruhunda tərbiyə olunmalıdır.

Tədbirdə 44 günlük Vətən müharibəsi şəhidi Lətifov Rəşidin atası Lətifov Güləhməd, aprel döyüşçüsü, 44 günlük Vətən müharibəsi iştirakçısı, Xüsusi təyinatlı qüvvələrdə, Murov dağdan Şuşaya kimi şanlı döyüş yolu keçmiş, hazırda Öncəqala kənd orta məktəbin hərbi rəhbəri, Qarabağ və III dərəcəli Rəşadət ordeni ilə təltif olunmuş, ehtiyyatda olan qazi komandir Nazim Cəfərzadə və Masallı Dövlət Regional kollecin müəllimi Humay Həşimova çıxış edərək bildirmişdirlər ki, vətənpərvərlik böyük məfhumdur. Bu, sadəcə, orduda xidmət etmək deyil. Vətənə sadiq olmaq, Vətəni sevmək, torpağa bağlı olmaq - budur vətənpərvərlik! Vətənpərvər gənclər yetişdirilməsi təkcə təhsil müəssisələrinin işi ilə bitmir. İlkin olaraq, ailədən başlayan bu tərbiyəvi iş təhsil müəssisələrində davam etdirilir, bütün cəmiyyətin, onun hər bir üzvünün əməlindəki müsbət nümunələrlə yetkinləşir”.

Sonda tələbələri maraqlandıran suallar cavablandı