23 aprel 2025-il il tarixində Masallı Dövlət Regional kollecində insan haqları və suveren dövlət hüquqları mövzusundan bəhs edən yazıçı-publisist Ələşrəf Niftiyevin bu günlərdə elm və təhsil nəşriyyatı tərəfindən nəşr edilmiş ,,Deyək,Susmayaq " kitabının təqdimatı keçirilib. Tanınmış şəxsiyyət və ədibin 21 kitabından hamısında yüzlərlə publisistik məqalələrində cəmiyyəti düşündürən, Azərbaycanın müstəqilliyinə xidmət edən, son illərdə qazanılmış Respublikamızın Beynəlxalq nüfuz və uğurlarından ayrı-ayrı tanınmış şəxsiyyətlərin xeyrxah əməllərinə dair həyatı misal və nümunələrə yeni kitabda geniş yer verilib. Gecəni Kollecin direktoru filologiya üzrə fəlsəfə doktoru Rövşən Qurbanov açmışdır. Əsərin konstitusiya və suverenlik ilində müxtəlif xarakteri barədə, tanınmış filoloq tərəqqi medallı Vidadi Nəzərov məlumat vermişdir. Əvvəlcədən oxuculara paylanmış kitabın tərbiyəvi əhəmiyyəti gənc nəslin maarifləndirmə dəyərlərindən isə tərəqqi medallı Əyyub Mehdiyev, təqaüdçü pedaqoq və ağsaqqal Soltanağa Cəfərov, kollecin əməkdaşı Dilarə Hüseynova, tanınmış yazar Azərbaycanın mədəniyyət işçisi Zakir Abbas, Kollecin tələbəsi Fatimə Məmmədova və başqaları çıxış etmişdir. Tədbirin sonunda Azərbaycan yazıçılar birliyinin üzvü Respublikanın fəxri agsaqqalı Ələşrəf Niftiyev görüşün təşkilinə görə kollektivi və oxuculara dərin təşəkkürünü bildirdi. O ağsaqqallar adından fəxri fərman,təşəkkürnamə və hədiyyələrlə rəğbətləndirdi. Şura üzvlüyünə yenicə qəbul olunmuş bir neçə kollektiv üzvünə üzvlük vəsiqələrini təqdim etdi.