05 aprel tarixində Masallı Dövlət Regional Kollecində "Narkomaniya və zərərli vərdişlərin fəsadları"mövzusunda tədbir keçirilmişdir.

   Tədbirdə Masallı Tarix Diyarşünaslıq Muzeyinin direktoru Əntiqə Tağıyeva,Masallı rayon Polis Şöbəsinin yetkinlik yaşına çatmayanlarla profilaktik işinin təşkili qrupunun baş kapitanı Samid Əliyev, Ombudsmanın Cənub Regional Mərkəzinin rəhbəri Ziya İsmayılov iştirak edirdi. 

İlk öncə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edildi. 

Daha sonra qonaqlar Azərbaycanın dövlət siyasətində başlıca vəzifələrdən biri olan, sağlam nəslin formalaşması istiqamətində həyata keçirilən tədbirlər sırasında mühüm istiqamət kimi diqqət yetirilən narkomaniya ilə mübarizə tədbirlərinin vacibliyindən,cəmiyyətdə "ağ ölüm"kimi tanınan narkomaniya bəlasının insan həyatında sağalmaz fəsadlarından,bu problemin həllinə xidmət edən mühüm addımlardan biri kimi maarifləndirmə işlərinin geniş şəkildə aparılmasından,narkomaniya bəlasının qurbanlarının törətdikləri cinayət tərkibli hadisələr barədə geniş şəkildə çıxış etdilər.

Sonda tələbələri maraqlandıran suallar cavablandırıldı.