Bu gün 21 fevral Beynəlxalq Ana Dili Günü münasibətilə “Ana dilimizi sevək və inkişaf etdirək” adlı tədbir keçirildi.
 Masallı rayon Tarix Diyarşünaslıq Muzeyində keçirilən tədbirdə Masallı Dövlət Regional Kollecin  tələbələri iştirak etdilər.
    İlk öncə şəhidlərin əziz xatirəsi bir dəqiqəlik sükutla yad edildi.
  Tədbiri giriş sözü ilə açan muzeyin direktoru Əntiqə Tağıyeva  milli dövlətçilik tarixində dilin rolundan və dilin millətin millət olaraq təsdiq edici əsas vasitə olduğundan danışdı. O qeyd etdi ki, dilin dövlət dili statusuna yüksəlməsi millətin öz taleyinə sahibliyinin, dövlət qurmaq və qorumaq qüdrətinin, eyni zamanda,  hər bir dilinin zənginliyinin sübutudur. 
Tədbirdə Sevinc Əliyeva,Təhmasib Məcidov, Türkan Ağayeva və digərləri çıxış etdilər. 
 Çıxışçılar doğma Azərbaycan dilinin  keçmişimiz, bu günümüz və sabahımız olduğunu və eyni zamanda Ana dilimizi qorumaq və inkişaf etdirmək isə hər bir azərbaycanlının müqəddəs borcu olmağı çıxışlarında xüsusi qeyd etdilər.