Masallı Dövlət Regional Kolleci tərəfindən yüksək akademik göstəriciləri və nümunəvi intizamı ilə fərqlənən bir qrup tələbənin ailələri təşəkkürnamələr ilə təltif olunub.

Tədbirin keçirilməsində əsas məqsəd tələbələrin əldə etdiyi uğurlarda valideyn dəstəyinin əhəmiyyətini vurğulamaq, ailə-kollec əməkdaşlığını gücləndirmək və digər tələbələr üçün motivasiyaedici nümunə yaratmaq olub.

Tədbir zamanı kollecin rəhbərliyi çıxış edərək bildirib ki, tələbələrin uğurları yalnız onların şəxsi zəhmətinin deyil, eyni zamanda ailələrinin göstərdiyi diqqət və qayğının nəticəsidir. Valideynlərə övladlarının təhsilinə verdikləri dəstəyə görə təşəkkür edilib və bu əməkdaşlığın gələcəkdə də davam etdirilməsinin vacibliyi qeyd olunub, Bildirilib ki, bu cür təşəbbüslər gənclərin təhsilə marağının artırılmasına və sağlam təhsil mühitinin formalaşmasına mühüm töhfə verir.

Sonda xatirə şəkli çəkdirilib.