Bu gün Masallı Dövlət Regional Kollecinin müəllim və tələbələrinin təqdimatında Masallı Dövlət Regional Kollecinin və YAP Masallı rayon Təşkilatının birgə əməkdaşlığı ilə Masallı rayon Mədəniyyət Mərkəzində Ulu Öndər Heydər Əliyevin 100 illiyinə həsr olunmuş "Əsrə bərabər ömür "adlı ədəbi-bədii kompozisiya nümayiş olundu.
 Tələbələrin hazırladıqları əl işlərindən sərgi təşkil olunmuşdu.
Tədbirə başlamazdan öncə  Ulu Öndər Heydər Əliyevin və şəhidlərin xatirəsi bir dəqiqəlik sükutla yad edildi.
Tələbələrin ifasında Ulu Öndərə həsr olunmuş şeir parşaları,"Vaqif"dramından bir parça və bir-birindən fərqli nömrələr təqdim olundu.
Tədbirdə Azərbaycan Dövlət Akademik Milli Dram Teatrının aparıcı səhnə ustası,"Şöhrət"ordenli,Azərbaycan Respublikasının Xalq artisti,Azərbaycan Respublikası Prezidentinin fərdi təqaüdçüsü Nurəddin Mehdixanlı,Yeni Azərbaycan Partiyası Masallı rayon Təşkilatı sədri Seyfəddin Əliyev ,rayon ictimaiyyəti nümayəndələri və mətbuat işçilər iştirak edirdi.
  Tədbirin sonunda Nurəddin Mehdixanlı çıxış  edərək Müstəqil Azərbaycan dövlətinin memarı,qurucusu Ümummilli Lider Heydər Əliyev məktəbindən,xalq üçün yaşadığı ömür payından,dövlətə,dövlətçiliyə, milli mənliyimizə söykənən soy kökümüzdən,qələbəmizdən,qələbəmizi bizə bəxş edən vətən oğulların şücaətlərindən,günü-gündən qüdrətlənən  Azərbaycanın gənc nəsillərə əmanət olmasından danışdı. 
Sonda YAP Masallı rayon təşkilatının sədri Seyfəddin Əliyev çıxış edərək rayonumuzda qonaq olan Nurəddin müəllimi salamlayıb,səsi və istedadı ilə daima seçilən Nurəddin müəllimin Masallıya gəlişinin  bizlərə böyük sevinc gətirdiyini dilə gətirdi.
Sonda xatirə şəkilləri çəkildi.