Masallı Dövlət Regional Kolleci və Masallı rayon Tarix Diyarşünaslıq Muzeyinin birgə təşkilatçılığı ilə Azərbaycanın oftalmoloqu, Əməkdar elm xadimi, tibb elmləri doktoru, professor, Azərbaycan Milli Elmlər Akademiyasının həqiqi üzvü Zərifə Əliyevanın anım günü ilə əlaqədar olaraq “Bir qadın ömrü” adlı tədbir keçirilib.

İlk öncə Ulu Öndər Heydər Əliyevin  və Şəhidlərin əziz xatirələri 1 dəqiqəlik sükutla yad edildikdən sonra video rolik təqdim olundu.

Masallı Dövlət Regional Kollecin tərbiyə işləri üzrə direktor müavini Dilarə Hüseynova çıxış edərək bildirmişdir: Bu dünyaya vida deyib sənətindən, peşəsindən asılı olmayaraq, xatirələrdə yaşayan insanları zaman-zaman xatırlamaq adəti, nə yaxşı ki, hələ qalıb. Bu adət xatırlanan şəxsin timsalında bizə bir millət, bir xalq kimi nələrə qadir olmağımızın, kimlərlə təmsil edilməyimizin qürurunu yaşatmaqla bərabər, həm də çağdaş dövrdə və bundan sonra da özümüzə bir qədər kənardan baxmaq, özümüzü dəyərləndirmək imkanı yaradır.

Masallı rayon Tarix diyarşünaslıq muzeyinin direktoru Əntiqə Tağıyeva çıxış edərək bildirmişdir ki, 1960-cı ildən 1967-ci ilədək Zərifə xanım Oftalmologiya İnstitutunda böyük elmi işçi vəzifəsində çalışmışdır. 1963-cü ildə SSRİ Ali Attestasiya Komissiyası ona «Oftalmologiya» ixtisası üzrə böyük elmi işçi adı vermişdir.

Bütün bu elmi fəaliyyəti ilə yanaşı Zərifə xanım eyni zamanda qayğıkeş ana, gözəl, vəfalı ömür-gün yoldaşı olmuşdur. Bu ocaqda iki övlad böyüyüb – ata-anasına layiq, qəlblərində daim Azərbaycan sevgisi yaşadan, vətənimizin qüruru sayılan övladlar kimi. Deyirlər, ana övladını özündən də çox istəyir. Tanrının bəxş etdiyi övladlarına qarşı Zərifə xanım məhz belə ana idi. Enişli-yoxuşlu ömür yollarında birgə addımladığı həyat yoldaşı, ümummilli liderimiz, Heydər Əliyev gərgin fəaliyyətlə məşğul olan, həyatını bütövlükdə Azərbaycana həsr edən böyük şəxsiyyət kimi yorulmadan müqəddəs amallar yolunda öz qüvvəsini əsirgəmirdi.

Tədbirdə Masallı rayon Tarix diyarşünaslıq muzeyinin əməkdaşı Heydərzadə Nazənin və Masallı Dövlət Regional Kollecinin müəllimi Aynur Məmmədova çıxış edərək Akademik Zərifə Əliyevanın alim kimi qazandığı böyük uğurlardan, Azərbaycan tibb elminin tarixində ayrıca bir mərhələ təşkil edilməsindən danışdılar.Onun elmi fəaliyyəti çox zəngin və əhatəli olduğunu vurğulayıblar.